Beli most (Preskòčil je reko)

Preskòčil je reko,
V hrptu se je svîl,
Bel ko čisto mleko
I velo od vîl.

To so dva se vala
Slila vu jen tren;
Slika je ostála
Od njihové pên.

Srebrna se riba
K njemu pripeljá,
Voda se zaziba:
On se v njem smehljá.

Kada riba projde,
On tiho zaspí, –
Kočîjica dojde,
Pa ga probudí;

Strese se od sreče
Da ne more jač;
Popevko okreče
Kočîjin kotâč:

Beli beli beli most
Ko slonòva kost!