• Skip to primary navigation
  • Skip to main content
  • Skip to primary sidebar
  • Skip to footer
  • O nama
  • Impressum
  • Suradnja

Književnost.hr

spajamo književnike i čitatelje

  • Naslovnica
  • Književnici
  • Autori
  • Poezija.hr
  • Bajke.hr

Spomen na Mariju Bistricu

Dragutin Domjanić

Noć je vre noć, Majka Božja.
Pri Tebi molitvah ni čuti,
a vani med polji se puti
doma sad pašćiju spati.
Noć je vre noć, Majka Božja.

Al mi dva smo zdavna poznati
čez leta i žalosti vse.
I če Ti i kesno dohajam,
poslušat buš štela, kaj ne?!
Ja tak bum Ti stiha govoril,
da moreš me čut samo Ti,
da Sinek se Tvoj ne zbudi,
koj v zlatu i svili spi.

Zlo su Ti ljudi napravili,
kojim si v pomoć bila,
kad su ih svi vre ostavili.
Kojim si suze brisala
i žalost življenja skrila
i v dušu veselja dala.
Kojim kak mati si bila,
sunčeca dela pred vrata,
i svojim srcem iz zlata
i najgorše grešnike čuvala.
Ti, koja si ljudem alduvala,
kaj Ti je dragše neg svet,
neg zlata nebeska roža,
Sineka svojega dragoga
žalostna, Ti, Majka Božja!

A ljudi su Tebe pozabili
i Sina na križ su Ti pribili
i jošće vu cirkvah i stanjih,
po varoših i po križanjih
na križ Ga pribijaju zmirom.

Zlo su Ti ljudi napravili,
koji od Tebe živiju
i mirno pod Tvojom dobrotom
pod sencom od cirkve spiju.
Oni su Tebe orobili,
bogečke Ti krajcere vkrali,
kaj Tvoji oltari su dobili,
kaj Tebi su romari dali.
Oni su Tebe pozabili,
Tvoju bogčiju razgrabili.
Al ne, da si krušca nabaviju,
neg, da si veselje napraviju,
da Tebi se moreju smejat.
Su z vinom si šteli zalejat
i brige i trudne kotrige,
i glad, kaj im z očih gledi
i savest, koja ne spi.

Al skoro je došla kaštiga.
Po noćih su narod zapirali,
po cestah kak blago ih tirali,
vu reštih su dane si mudili,
i onda su sudi ih sudili
– Oprostiti ne znaju ljudi. –
(A to je od vsega lepše.)
Ne smeju oprašćati ljudi,
i njih onda zakon obsudi.
Oprašćati zna samo Bog
i Ti Njegva sveta Mati.

I meni, kaj ne?! oprostiš,
da ja sem zapirati dal
one, kaj Tebe su krali,
kaj delaju, nisu mort znali.
A kaj mi je bilo ih žal,
kaj štel sem im dober biti,
su mene kaštigali drugi.

I prešla su leta i rešti.
Vsi, koji su šteli oditi
od Tebe, su v svojoj se tugi
za pomoć se k Tebi obrnuli,
pak su se k Tebi vsi vrnuli.
I v cvetju su Tvoji oltari,
i novi te prosiju dari,
da moliš za našu bogčiju,
za betege, kaj nas boliju,
za grehe, težke kak megle
kaj v zrele su strni se legle.
Da sunca v živlenje nam daš,
Ti, koja si lepša, neg sunce,
neg zlata Božja roža,
Ti, koja nit sence nemaš,
Ti, čista, Ti, Majka Božja!

Noć je sad pak, Majka Božja,
noć v mojem srcu i v lugu,
pak sem Ti tu kak i negda,
svoju sad tužim Ti tugu.
Hoćeš mi v srce pogledat?
toplo, kak znaš samo Ti.
Tebi bi štel ja povedat,
kaj se nigdar ne veli,
kaj me vre zdavna boli,
da bi i želel poginut.
Morti bu mene Ti milo,
pak vračtva – il mira mi daš. –
– Ja bi tak rad se počinut.
Noć je vre noć, Majka Božja.

Zbirka: Po dragomu kraju
Objavljeno: 1933.

Ispravak teksta

Ako ste u nekom tekstu pronašli grešku ili želite nešto dodati, javite nam to u komentaru ispod književnog djela ili biografije autora.

Reader Interactions

Odgovori Otkaži odgovor

Vaša adresa e-pošte neće biti objavljena. Obavezna polja su označena sa * (obavezno)

Ova web-stranica koristi Akismet za zaštitu protiv spama. Saznajte kako se obrađuju podaci komentara.

Primarni stupac

Objavite svoje radove!

pisaća mašina

Suradnja

Književni portal Književnost.hr traži književnike i autore svih profila, voljne objaviti svoje književne radove na ovom portalu. … [više] about Suradnja

Književnici

  • Andrija Palmović
  • Ante Kovačić
  • Antun Branko Šimić
  • Antun Gustav Matoš
  • Antun Mihanović
  • August Harambašić
  • August Šenoa
  • Đuro Arnold
  • Dragutin Domjanić
  • Fran Galović
  • Ivan Goran Kovačić
  • Ivan Kukuljević
  • Ivan Trnski
  • Ivana Brlić-Mažuranić
  • Ivo Vojnović
  • Katarina Patačić
  • Luka Botić
  • Milan Begović
  • Mirko Bogović
  • Petar Kanavelić
  • Rikard Jorgovanić
  • Sanja Pilić
  • Silvije Strahimir Kranjčević
  • Sunčana Škrinjarić
  • Vjenceslav Novak
  • Vladimir Čerina
  • Vladimir Nazor
  • Vladimir Vidrić

Footer

Informacije

  • O nama
  • Impressum
  • Suradnja
  • Uvjeti korištenja

Radovi

  • Književnici
  • Autori
  • Bajke.hr
  • Biografija.com
  • Lektire.hr
  • Molitva.hr
  • Obrazovanje.hr
  • Poezija.hr

Copyright © 2016.–2023. Informativka d.o.o. Sva prava pridržana.